ផលិតផលស្បែកក្រពើ
អត្ថបទ និងរូបភាពដោយ៖ ឈុត ឈាណា
កាលបរិច្ឆេទថត៖ ២០១៨
វគ្គបណ្ដុះបណ្ដាលថតដោយ៖ Suthep Kritsanavarin / គម្រោងអច្ឆរិយភាពនៃទន្លេមេគង្គ
បកប្រែ និងរក្សាសិទ្ធដោយ: គម្រោងអច្ឆរិយភាពនៃទន្លេមេគង្គ និងអេកូយុវទូតកម្ពុជា
ក្រពើត្រី (Crocodylus Siamensis) គឺជាប្រភេទក្រពើទឹកសាបដែលមានទំហំពីតូចទៅមធ្យម មានដើមកំណើតពី ប្រទេសឥណ្ឌូនេស៊ី (វាតែងតែមាននៅតំបន់បរណេអូ ឬ កោះចាវ៉ា ដែលគេតែងតែហៅថា កោះជ្វា) ព្រុយណេ ម៉ាឡេស៊ីខាងកើត ឡាវ កម្ពុជា មីយ៉ាន់ម៉ា ថៃ និង វៀតណាម។ ប្រភេទសត្វជិតផុតពូជនេះ បានផុតពូជបាត់ទៅហើយសឹងតែគ្រប់តំបន់។ មានកសិដ្ឋានចិញ្ចឹមក្រពើសហគមន៍មួយដែលចិញ្ចឹមក្រពើ សម្រាប់លក់នៅផ្សារក្នុងតំបន់ និងបញ្ជូនទៅលក់នៅក្រៅបរទេស។ ហើយនៅទីផ្សារក្នុងតំបន់របស់យើងក៏មានហាងផលិតផលដែលផលិតពីស្បែកក្រពើ ឬ ក៏ក្រពើងៀត និងសាច់ក្រពើស្រស់ៗសំរាប់លក់អោយភ្ញៀវទេសចរណ៍នៅខេត្តសៀមរាបផងដែរ។ ហើយទន្ទឹមនឹងនោះដែរក៏មានឈ្មួញកណ្តាលមកពី វៀតណាម និង ថៃ ដែលនាំចេញក្រពើទៅប្រទេសចិន។
១. មានរូបក្រពើឆ្លាក់នៅជញ្ជាំងប្រាសាទបាយ័ន ខេត្តសៀមរាប នៃប្រទេសកម្ពុជា។
២. កូនក្រពើត្រីតូចៗ ដែលមានអាយុ ៣០ថ្ងៃ ត្រូវបានចិញ្ចឹមដោយការឱ្យអាហារ ដូចជាត្រីតូចៗ និងសាច់មាន់ដុំតូចៗ មុននឹងប្តូរទៅទ្រុងធំដែលធ្វើដោយស៊ីម៉ងត៍។
៣. ទ្រុងស៊ីម៉ងត៍សំរាប់ដាក់កូនក្រពើត្រីនេះ គឺធ្វើដោយសំណាញ់ដែក។
៤. ភ្ញៀវទេសចរណ៍បានមើលឃើញក្រពើត្រីនេះ ក្នុងកសិដ្ឋានចិញ្ចឹមក្រពើសហគមន៍បៃតង នៅភូមិលិចទឹក ចុងឃ្នាស ខេត្តសៀមរាប ប្រទេសកម្ពុជា។
៥. ភ្ញៀវទេសចរណ៍បានមើលឃើញក្រពើត្រីនេះ ក្នុងកសិដ្ឋានចិញ្ចឹមក្រពើសហគមន៍បៃតង នៅភូមិលិចទឹក ចុងឃ្នាស ខេត្តសៀមរាប ប្រទេសកម្ពុជា។
៦. ក្រពើត្រីនេះកំពុងដេកនៅក្រោមដើមស្វាយ នៅស្ថានីយ៍ចិញ្ចឹមក្រពើ វីអិល VL នៅខេត្តសៀមរាប។
៧. ក្រពើត្រីនេះបានព្យាយាមរត់គេចចេញពីទ្រុងស៊ីម៉ងត៍សំណាញ់ដែក នៅស្ថានីយ៍ចិញ្ចឹមក្រពើ វីអិល VL នៅខេត្តសៀមរាប ប្រទេសកម្ពុជា។
៨. រូបសត្វក្រពើត្រូវបានដាក់តាំងនៅមុខហាងលក់ផលិតផលដែលផលិតពីស្បែកក្រពើ នៅខេត្តសៀមរាប ប្រទេស កម្ពុជា។
៩. ស្បែកក្រពើ ត្រូវបានដាក់បង្ហាញនៅក្នុងហាងមួយនៅកសិដ្ឋានចិញ្ចឹមក្រពើសហគមន៍បៃតង ចុងឃ្នាស ភូមិលិចទឹក ខេត្តសៀមរាប ប្រទេសកម្ពុជា។
១០. ផលិតផលស្បែកក្រពើត្រូវបានបង្ហាញនៅក្នុងហាង នៅខេត្តសៀមរាប ប្រទេសកម្ពុជា។
១១. ហាងលក់ផលិតផលស្បែកក្រពើមានទីតាំងនៅខេត្តសៀមរាប ប្រទេសកម្ពុជា។