ជា សុធារ័ត្ន ដែលជាអ្នកដឹកនាំម្នាក់ទៀតរបស់គម្រោងនេះ បានបន្តពន្យល់ពីក្រុមគោលដៅរបស់គម្រោងនេះ។ នាងបញ្ជាក់ថា ក្រុមការងារនឹងទាក់់ទងទៅតាមបណ្តាសាលាបឋមសិក្សា និងអង្គការផ្សេងៗ។ បន្ទាប់មក ចំណេះដឹងអំពីប្រភេទសត្វដែលកំពុងរងគ្រោះនៅតំបន់ទន្លេមេគង្គត្រូវបានចែករំលេកទៅកាន់ក្រុមសិស្សានុសិស្សក្មេងៗ ជាពិសេសកម្រិតសិក្សាថ្នាក់ទី៥ និងទី៦ដែលស្ថិតនៅអាយុរៀនសូត្រឆាប់ចេះ។

សុធារ័ត្នបន្ថែមទៀតថា “ពួកគេស្ថិតក្នុងអាយុដែលពេញដោយសំណួរ និងការចង់ដឹង ចង់ឃើញ។ដូច្នេះនៅពេលដែលពួកគេឃើញសម្ភារសិក្សាដែលណែនាំពីប្រភេទត្រីយក្ស ឧទាហរណ៍ ពួកគាត់នឹងឆ្ងល់ ហើយចាប់អារម្មណ៍មកសួរក្រុមការងារយើង។ ការចាប់អារម្មណ៍នេះជាជំហានមួយក្នុងការផ្សព្វផ្សាយចំណេះដឹងពីទន្លេមេគង្គ។”

រូបភាពសត្វត្រីយក្សទាំង៨ប្រភេទរបស់ទន្លេមេគង្គនឹងដាក់តាំងបង្ហាញទៅដល់មហាជន។ ការបង្ហាញសត្វត្រីយក្សនេះជាការឆ្លុះបញ្ចាំងដ៏សំខាន់ដែលបង្វែរចំណាប់អារម្មណ៍របស់មហាជនមកសិក្សាពីអត្ថប្រយោជន៍របស់ទន្លេមេគង្គ ឬ ហៅម្យ៉ាងទៀតថាអច្ឆរិយភាពនៃទន្លេមេគង្គ។ ទន្ទឹមនឹងនេះ អមជាមួយការបញ្ជ្រៀបការយល់ដឹងពីបញ្ហាផ្សេងៗរបស់ទន្លេមេគង្គ យើងក៏បន្តបង្ហាញពីអត្ថប្រយោជន៍របស់ទន្លេ ដើម្បីរក្សាការចាប់អារម្មណ៍ពីសំណាក់ប្រជាជន។

សុធារត្ន័ប្រាប់ថា “ខ្ញុំច្បាស់ជាមានអារម្មណ៍រីករាយខ្លាំងណាស់ ប្រសិនក្មេងៗអាចចំណាំ បែកចែកប្រភេទមច្ឆជាតិនៅទន្លេមេគង្គយើងបាន។”