ហេតុអ្វីយើងគួរគាំទ្រ #បឹងព្រែកល្ពៅជាតំបន់រា៉មសារទី៦របស់កម្ពុជា?🌍
ចេញផ្សាយ៖ ០៤ មីនា ២០២២
រក្សាសិទ្ធដោយ៖ អេកូយុវទូតកម្ពុជា
#មាតិកាប្រព័ន្ធបណ្ដាញសង្គម
[តំបន់ការពារទេសភាពបឹងព្រែល្ពៅ]
ការគាំទ្រដាក់តំបន់ការពារទេសភាពបឹងព្រែកល្ពៅជាតំបន់រ៉ាមសារ ដោយសារគុណសម្បតិ្តសំខាន់ៗដូចជា៖
. តំបន់នេះបានផ្តល់ធនធានធម្មជាតិសម្រាប់ទ្រទ្រង់ដល់ជីវភាពប្រជាសហគមន៍ និងជាទីជម្រកសម្រាប់សត្វស្លាបទឹក និងសត្វស្លាបទេសន្តរប្រវេសន៍ ដែលជាប្រភេទសត្វកម្រជាច្រើនប្រភេទ។
. ជម្រុញឲ្យមានការសិក្សា និងប្រមូលទិន្ន័យពីជីវចម្រុះ សេវាកម្មអេកូឡូស៊ី និងសក្តានុពលនៃតំបន់នេះដើម្បីរៀបចំឯកសារព័ត៌មានសម្រាប់ការប្រើប្រាស់ជាផ្លូវការ មានភាពទូលំទូលាយ និងឆាប់រហ័ស។
. ម៉្យាងតំបន់នេះបានផ្តល់សេវាកម្មផ្គត់ផ្គង់ដោយផ្តល់ជាប្រភពទឹក អាហារ ឱសថ ត្រី ធនធានពន្ធុ ដីល្បាប់ និងធនធានធម្មជាតិផ្សេងៗទៀត សេវាកម្មនិយ័តកម្មដោយទប់ស្កាត់គ្រោះទឹកជំនន់ ខ្យល់ព្យុះ គ្រោះរាំងស្ងួត និយ័តកម្មអាកាសធាតុក្នុងតំបន់ និងនៅសាកល បន្សុទ្ធទឹក ជាដើម សេវាកម្មវប្បធម៌ ដោយផ្តល់ជាតម្លៃសោភ័ណភាព ទេសចរណ៍ធម្មជាតិ ការកម្សាន្ត តម្លៃបេតិកភណ្ឌវប្បធម៌ សាសនា ទំនាក់ទំនងសង្គម ការអប់រំ និងសិក្សាស្រាវជ្រាវ និងសេវាកម្ម គាំទ្រ ដូចជាផ្តល់ជាទីជម្រកដល់ជីវចម្រុះ ការកកើតដីល្បាប់ សារធាតុរ៉ែ សារធាតុសរីរាង្គ ផ្តល់ជាផលិតកម្មបឋម គាំទ្រដល់វដ្តទឹក និងវដ្តចំណីអាហារ។ល។ នេះបើតាមប្រសាសន៍ឯកឧត្តម នេត្រ ភក្ត្រា។
. តាមរយៈសសរស្តម្ភចំនួន ៣របស់អនុសញ្ញារ៉ាមសារ តំបន់នេះនឹងត្រូវបានប្រើប្រាស់តំបន់ ដីសើមប្រកបដោយភាពឈ្លាតវៃ កំណត់និងបង្កើតតំបន់ដីសើមជាលក្ខណៈសកល និងមានកិច្ចសហការជាអន្តរជាតិ។ការដាក់តំបន់ការពារទេសភាពបឹងព្រែកល្ពៅជាតំបន់រ៉ាមសារ ក៏មានអត្ថប្រយោជន៍5ផ្សេងៗទៀតដូចជា៖១). បង្កើនការយល់ដឹងជាសាធារណៈពីសារៈសំខាន់ នៃតំបន់ដីសើម
២). បង្កើនការចូលរួមពីអ្នកពាក់ព័ន្ធទាំងអស់ក្នុងការគ្រប់គ្រងតំបន់ដីសើម
៣). មានការគាំទ្រកាន់តែច្រើនជាងមុនក្នុងការការពារនូវតំបន់ទាំងនោះក៏ដូចជាតំបន់នៅជុំវិញ
៤). បង្កើនមូលនិធិសម្រាប់អភិរក្សទាំងក្នុងនិងក្រៅប្រទេស
៥). ពង្រឹងកាលានុវត្តន៍ភាព ក្នុងការជំរុញការស្រាវជ្រាវផ្នែកវិទ្យាសាស្រ្ត និងអេកូទេសចរណ៍។
Source:– MoE &KhmerPost
– មតិរបស់YEA’s Fan