រៀបរៀងដោយ ជា សីលា ០៨ មេសា ២០២០ ដើម្បីជាការចងចាំ និងរលឹកដល់ការបាត់បង់ជីវិតសត្វរនាលពណ៌ដោយស្នាដៃព្រាន កាលពីថ្ងៃទីយប់រំលងអាធ្រាត្រឆ្លងចូលថ្ងៃទី ២៦ ខែមីនា ឆ្នាំ២០២០ ។ គួរបញ្ជាក់ផងដែរថា កាលពីថ្ងៃនោះមានព្រានជាង១០នាក់បានចូលទៅចាប់សត្វរនាលពណ៌ពីបន្ទាយរបស់វាចំនួន១២៣ក្បាល ។ ពេលមន្ត្រីឧទ្យានុរក្សបានចុះទៅដល់កន្លែងកើតហេតុ ពួកជនល្មើសបានគេចខ្លួនអស់ បន្សល់កូនសត្វរនាលពណ៌ដែលទើបដុះស្លាប និងសួគ៌បង្គងច្រកក្នុងបាវចោលចំនួន៩ ។

បទចម្រៀងមួយបទនេះគឺចង់បង្ហាញអោយមនុស្សទាំងឡាយ យល់ដឹងពីសេចក្តីឈឺចាប់នៃការបាត់បង់សាច់ញាតិដែលជាទីស្រឡាញ់របស់ខ្លួន ។ ការបរបាញ់ និងការបំផ្លាញទីជម្រក ដោយការពង្រីកដីកសិកម្ម ភ្លើងឆេះព្រៃ បានធ្វើអោយចំនួនសត្វស្លាប ពិសេសសត្វរនាលពណ៌បានថយចុះពីបន្ទាយសត្វព្រែកទាល់ ។ យើងគួរចូលរួមការពារធនធានធម្មជាតិរបស់យើងអោយគង់វង្ស សម្រាប់កូនចៅជំនាន់ក្រោយ។