ការស៊ីចំណី៖ សត្វរនាលពណ៌ស៊ីកូនត្រី សត្វល្អិត ថលជលិក សត្តវន្តជាតិ (ពពួកកំពឹស ក្តាម) និងល្មូន។ ដើម្បីចាប់ចំណីស៊ីវាអោយក្បាលចូលក្នុងទឹក បើកចំពុះរងចាំចំណីមកចូលក្នុងមាត់ ទើបវាបិទមាត់វិញ។ វាចូលចិត្តទៅរកស៊ីចំណីទាំងហ្វូងនៅតាមព្រែក ដូចជានៅព្រែកដា តំបន់រ៉ាមសារព្រែកទាល់ ទាំងកូនទាំងមេបាតែងចេញទៅរកស៊ីចំណីពេលព្រឹក និងពេលរសៀលក្នុងចន្លោះខែមីនា រហូតដល់រដូវទឹកតម្លើងខែកក្កដា ឬសីហា ទើបវាផ្លាស់ទីចេញទៅរកស៊ីនៅកន្លែងផ្សេង។ ពេលកូនវានៅតូចៗក្នុងសម្បុក មេ ឬបានឹងចាប់យកកូនត្រីតូចៗមកបញ្ចុកកូនៗដល់សម្បុក។