កាលពីថ្ងៃទី0៥ ខែមេសា ឆ្នាំ២០២២ អេកូយុវទូតកម្ពុជា មជ្ឈមណ្ឌល​​​​​​តារ៉ាមាណា​​ Taramana និងយុវជនស្ម័គ្រចិត្ត*បានសហការគ្នារៀបចំកម្មវិធី #WFMDXGreenDay២០២២ ដើម្បីអប់រំ បំផុសគំនិត និងបណ្តុះក្តីស្រឡាញ់របស់ក្មេងៗចំពោះជីវៈចម្រុះ ត្រីយក្សទន្លេមេគង្គ និងបរិស្ថានដែលពួកគេរស់នៅ។

ពួកយើងពិតជាសប្បាយចិត្តពេលដែលឃើញស្នាមញញឹម សម្លេងឆ្លើយឆ្លងឭៗ និងការចូលរួមយ៉ាងសកម្មរបស់ពួកគេ។ គួរបញ្ជាក់ថាក្នុងសកម្មភាពពេញមួយថ្ងៃនោះមានក្មេងៗចំនួនជាង១០០នាក់បានចូលរួម ក្នុងពីរវេនផ្សេងៗគ្នាពីថ្នាក់ទី២ ដល់ថ្នាក់ទី៦។

ក្មេងៗបានចូលរួម និងចែករំលែកលើសកម្មភាពដូចជា៖

១. មេរៀនអំពីប្លាស្ទិក និងផលប៉ះពាល់

២. សកម្មភាពរើស និងបែងចែកសម្រាម

៣. មេរៀនពីជីវៈចម្រុះ និងត្រីយក្សនៅទន្លេមេគង្គ

៤. ការគូសរូបត្រី ផាត់ពណ៌ភពផែនដី និងការធ្វើទង់ជាតិរូបត្រីជាដើម

តាមរយៈការពិភាក្សា មេរៀន និងសកម្មភាពខាងលើ យើងសង្ឈឹមថាក្មេងៗនឹងក្លាយជាយុវជនដែលគិតគូរពីបរិស្ថាននាពេលអនាគត។

កុំភ្លេចតាមដានសកម្មភាពនានាក្នុងហ្វេសប៊ុកផេកយើងផងណា!

*(អរគុណ ស្រីនាង​​​​​ ស្រីពេជ្រ​​ សៀវមុី​ សម្បត្តិ​ យុវជនស្ម័គ្រចិត្តដ៏អស្ចារ្យរបស់យើង)